Joom!Fish config error: Default language is inactive!
 
Please check configuration, try to use first active language

ԼԻԼԻԹ նորաձևության դպրոցի ավարտական ցուցահանդեսը

ԼԻԼԻԹ նորաձևության դպրոցի ավարտական ցուցահանդեսը

Friday, 12 October 2018 10:12

Հոկտեմբերի 10-ին Մոսկվա կինոթատրոնում տեղի ունեցավ ԼԻԼԻԹ նորաձևության դպրոցի ավարտական ցուցահանդեսը։ Արդեն երկրորդ տարին է, ինչ ԼԻԼԻԹ նորաձևության դպրոցի հիմնադիր-տնօրեն, նկարիչ-մոդելավորող Լիլիթ Մարգարյանի նախաձեռնությամբ շրջանավարտների ավարտական երեկոն իրականացվում է այս տեսակ գեղեցիկ ցուցահանդեսով: Եվ գուցե զարմանալի թվա, բայց շատ հաճախ <<Լիլիթ>> նորաձևության դպրոց են դիմում մարդիկ, ովքեր երբեք չեն նկարել, բայց մեկ տարի սովորելուց հետո այնպիսի նկարներ են նկարում, որոնցով անվերջ կարելի է հիանալի ( ցուցահանդեսի օրը մենք հենց այդ վիճակում էինք հայտնվել. չէինք կարողանում աչքներս կտրել արված ահռելի աշխատանքներից )։

Լիլիթ Մարգարյանը իր` կարճ, բայց անչափ բովանդակալից ելույթի մեջ նշեց, որ հպարտությամբ է խոսում իր աշակերտների մասին՝ նշելով. <<Այսօր այստեղ կտեսնեք միանգամայն տարբեր ձեռագրեր: Թեպետ բոլորին տրվել է միանման հանձնարարություն, սակայն նրանք յուրովի են զգացել ու ներկայացրել>>-այո՛, <<Լիլիթ>> նորաձևության դպրոցը գրագետ գիտելիքներ է փոխանցում, բայց չի պարտադրում ոչինչ` թույլ տալով անհատին զարգացնել ու կերտել իր ուրույն ձեռագիրը:

Մենք ցուցահանդեսի ժամանակ հիացանք <<Լիլիթ>> նորաձևության դպրոցի 4 տաղանդավոր սաների աշխատանքներով, որոնք այնքան շատ էին ու այնքան գեղեցիկ, որ դժվար էր հավատալ, որ այդ բոլոր աշխատանքները 4 երիտասարդ աղջիկների ձեռքի գործերն էին` Սեդա Արշակյան, Ամալյա Պետրոսյան, Ալլա Շիրինյան, ինչպես նաև <<Պարի եւ հոգու թատրոնի>> հիմնադիր-ղեկավար, ՀՀ վաստակավոր արտիստ Սոֆի Դեւոյանի թոռնուհին՝ կրստեր Սոֆի Դեւոյանը։ Քաղցր հյուրասիրություն, հաճելի երաժշտություն, հետաքրքիր հյուրեր, հիանալի աշխատանքներ և հաճելի մթնոլորտ, շնորհավորում ենք մեր սիրելի Լիլիթ Մարգարյանին։

Միջոցառման ավարտին դպրոցի սաներն ավարտական հավաստագրեր ստացան:

 

 

Հաճախ դիտվածները

Կապ մեզ հետ

Զանգահարեք՝ 077 362 367

099 177 511

010 507 005

Գրեք մեզ՝ This email address is being protected from spambots. You need JavaScript enabled to view it.

Գտեք Մեզ