Ժամանակի մեջ ճամփորդությունն ու սիրո բարձրագույն դրսևորման մասին հեռուստասերիալը՝ «Սիրելի Սահմի»-ին հաշված օրերի ընթացքում ստացավ հազարավոր գաղափարակիցներ և հեռուստադիտողներ, որոնք համակ ուշադրությամբ հետևում էին սերիալի զարգացումներին:
Ողջ ընթացքը լի էր հույզերով. ծիծաղ, ուրախություն, հուզմունք, արցունքներ, կարեկցում և մեծ հավատ սիրո նկատմամբ:
Նախագիծը մեզ հետ է օգոստոս ամսից և սա երկարատև ու մանրակրկիտ աշխատանք էր և այսօր այստեղ էին մարդիկ, որոնք հավատացել են այս աշխատանքին, հավատացել են, որ նման էքսպերեմենտալ աշխատանքը կունենա իր հեռուստադիտողին, որից մեկ առ մեկ շնորհակալ եմ»,- նշեց Իննա Խոջամիրյանը:
Տևական դադարից հետո հեռուստաեթեր վերադարձած դերասան Սոս Ջանիբեկյանը մեզ հետ զրույցում նշեց, որ Միհրանի կերպարն իր սիրելի և լավագույն կերպարներից է:
«Կարող եմ ասել, որ սա երբևէ իմ ֆավորիտ կերպարներից է և նվեր էր մարմնավորել Միհրան Ժամագործյանին: Ես ապրել եմ այդ կերպարն ու կերպարով և փակ նախադիտման ընթացքում ես համակ ուշադրությամբ հետևում էի բոլորի արձագանքներին և նայում էի հեռուստադիտողի աչքերով: Իննային և Գոշին համարում եմ թիմակիցներ և ընկերներ՝ անսահման ուրախ լինելով, որ կարողացել ենք նման աշխատանք ստանալ»,- ասաց Սոս Ջանիբեկյանը:
Իննա խոջամիրյանը շնորհակալություն հայտնեց նաև սերիալի սցենարիստ Անի Մաղաքիանին: Ի դեպ, սցենարիստի հետ թվով չորրորդ համագործակցությունն էր:
Ձեզ ենք ներկայացնում մանրամասներն ու լուսանկարները:
Փակ նախադիտմանը ներկա էին մի շարք հայտնիներ, նախագծի գործընկերներն ու ընկերները, որոնք կանգնած էին հեռուստասերիալի ակունքներում:
Հեռոսւտասերիալի վերջին երկու սերիաները Ա-թիվի հեռուստաընկերության եթերում կլինեն ապրիլի 2-ին և 4-ին՝ 20:45:
Շնորհակալություն Grigorian’s studio -ին գեղեցիկ նկարների և վիդեոհոլովակի համար
https://www.youtube.com/shorts/1zwlzUCxO6w
