Օրերս տեղի ունեցավ ԱՐԵՎՆԵՐ մանկապատանեկան անսամբլի փառատոնը Հակոբ Պարոնյանի անվան երաժշտական կոմեդիայի թատրոնում: Փառատոնի շրջանակներում ելույթ ունեցավ փոքրիկ Արփի Արզումանյանը իր <<Լավ ընկերներ>> կատարումով։ Երաժշտության և խոսքի հեղինակն է Արփինե Հովհաննիսյանը:
Ի դեպ փոքրիկ երգչուհին առաջին քայլերն է կատարում երգի ոլորտում։ Դե գեղեցիկ շոուն ապահովեցին Dzmeruk-ի հեքիաթից եկած մուլտհերոսները:
<<Արևներ>> (վերանվանված) մանկապատանեկան անսամբլը ունի 10 տարվա պատմություն և 38 տարվա նախապատմություն: Վոկալ-գործիքային ժանրի այս խումբը հիմնադրել է կոմպոզիտոր, գործիքավորող, մանկավարժ Արմեն Դիվանյանը 1981թ.: Երկու ամիս անց նրան է միացել վոկալի մասնագետ, երգչուհի Արփինե Հովհաննիսյանը: Ի սկզբանե անսամբլը կոչվել է «Առվակ»: Ամիսներ անց հաջողությամբ մենահամերգ ունեցավ Հայաստանի Կոմպոզիտորների Միության դահլիճում, սիրվեց ու լայն ճանաչում գտավ:
1996թ. Արմեն Դիվանյանին և Արփինե Հովհաննիսյանին, որպես ոլորտի փորձառու մասնագետներ, հրավիրեցին Հանրային Ռադիո «Արևիկ» մանկական անսամբլը ղեկավարելու՝ առաջարկելով միավորել երկու խմբերի ուժերը: Ձայնագրվեցին 200-ից ավել նոր երգեր,որոնք մտան ռադիոյի ոսկե ֆոնդ:
2007թ. Հանրային Հեռուստատառադիոյի ղեկավարության որոշմամբ՝ «Արևիկը», որպես մանկական լավագույն պրոֆեսիոնալ խումբ, Հոլանդիայի Ռոտերդամ քաղաքում առաջինը պետք է ներկայացնի Հայաստանը Մանկական Եվրատեսիլում: Հանրահայատ ու սիրված «Երազանք» երգի կատարմամբ հաղթանակից խմբին բաժանեց ընդամենը ուր մեկ միավորը: Արմեն Դիվանյանի և Արփինե Հովհաննիսյանի ստեղծագործական միության նման արդյունքի համար՝ նրանք պարգևատրվեցին կառավարության կողմից:
2018 թվականը Հայաստանի հինգ մարզերով համերգային շրջագայությունների տարի էր:
Արմեն Դիվանյանի անվան «Արևներ» խումբը շարունակում է ակտիվ մասնակցել Հայաստանի կարևորագույն երաժշտական միջոցառումներին, անցկացնել ամենամյա մանկապատանեկան երգի փառատոներ,անընդհատ թարմացնել ծրագիրը գեղեցիկ նոր երգերով: Ամեն տարի մենահամերգով ելույթ է ունենում լավագույն հայաստանյան դահլիճներում, որի թեմատիկան արտացոլում է մեր երկրի կարևոր իրադարձությունները (Եղեռնի 100ամյակին նվիրված «Հայաստանը մենք ենք», մանկական թեմաներով` «Մեր բակը», «Երազանք»,մեր մայրաքաղաքի 2800 ամյակին նվիրված «Իմ սիրելի Երևան» թեմատիկ նախագծերը): 2019թ. «Արևները» Մասնակցեց Սուրբ ծննդյան տոներին նվիրված երևանյան տոնակատարությանը,օրեր առաջ մեծ հաջողությամբ իրականացավ «Սիրված երգեր» խորագրով մենահամերգը:
