LASHLAB ստուդիոն հունիսի 10-ին պաշտոնապես վերաբացեց իր դռները նոր հասցեում՝ էլ ավելի կատարելագործված պայմաններով։ Կենտրոնը հայտնի է մասնավորապես թարթիչների լիցքով, հոնքերի լամինացիայով։ LASHLAB անվանումն էլ հենց պայմանավորված է վերոնշյալով։
LASHLAB։ Love is in your eyes !!
Սերը քո աչքերում է…
Միանշանակ, կանացի հմայքի կարևոր տարրն է նաև հայացքը և այն ավելի արտահայտիչ դարձնելու համար պետք է ունենալ գեղեցիկ, խնամված թարթիչներ և հոնքեր։
LASHLAB-ի ծառայություններն այժմ կրկնապատկվել են՝
- Թարթիչների լիցք և լամինացիա
- Հոնքերի շտկում և լամինացիա
- Հոնքերի և շրթունքների պերմանենտ
- Կոսմետոլոգի ծառայություններ
- Դիմահարդարում և վարսահարդարում
Այս ամենին գումարվել է նաև լազերային էպիլացիան, որի համար ներմուծվել է Հայաստանում նմանը չունեցող սարք՝ Splendor X, որը լազերային էպիլացիայի ամենակատարելագործված սարքերից մեկն է աշխարհում։ Մշակվել է Lumenis էսթետիկ բժշկության առաջատար ընկերության կողմից և հայտնի է իր արդյունավետությամբ, քանի որ ապահովում է անցավ, անվտանգ մազահեռացում։ Splendor X-ը միավորում է երկու լազերային ալիք Nd:YAG (1064nm) և Alexandrite (755nm) մեկ սարքում՝ դարձնելով այն բազմակողմանի և հարմար տարբեր տեսակի մաշկի և մազերի համար:
Հաղորդավարուհու գեղեցիկ խոսքից հետո, որն, ի դեպ, մոդել Լյուսի Հայրապետյանն էր վստահված, բրենդի հիմնադիրը՝ Անին, կտրեց սպիտակ ժապավենը և ներս հրավիրեց բոլոր հյուրերին։ Իսկ ներսում մասնագետները տարբեր պրոցեդուրաներ էին կատարում մոդելների վրա, որոնք էլ կթվարկենք հատ առ հատ՝
Թարթիչների լիցք.
Այստեղ ընդգծում են թարթիչների գեղեցկությունը և օգտագործվում են միայն բարձրորակ նյութեր։ Պրոցեդուրայից հետո հաճախորդն ունենում է թեթևության ու հարմարավետության զգացում, անթերի, բնական տեսք։ Lashlab-ում աշխատում են պրոֆեսիոնալներ, օգտագործում են նուրբ հակաալերգիկ սոսինձ՝ տալով թարթիչներին ցանկալի խտություն, երկարություն և ձև։
Շուրթերի պերմանենտ դիմահարդարում.
Բնական ու արտահայտիչ. հենց այսպիսի տեսք ունեն շուրթերը պերմանենտ դիմահարդարումից հետո։
Հոնքերի պերմանենտ դիմահարդարում.
Մասնագետները ստանում են մաքսիմալ նուրբ և բնական հոնքեր՝ օգտագործելով բացառապես որակյալ նյութեր և կիրառելով պերմանենտ դիմահարդարման նորագույն տեխնոլոգիաները։
Լազերային էպիլացիա.
Ունի բարձր արդյունավետություն, անցավ է, անվնաս է, ինչպես նաև իրականացվում է մեծ արագությամբ, հարմար է մարմնի մեծ հատվածների համար։
Հյուրերին ներսում սպասվում էր նաև համեղ հյուրասիրություն, նվերներ և անակնկալ խաղարկություն։ Մասնակցել կարող էին բոլորը, հարկավոր էր միայն կրեատիվ սթորիներով և գրառումներով հրապարակումներ անել սոց.էջերում LashLab կլինիկայի բացման մասին, նշել LASHLAB–ի էջը և, իհարկե, նաև հետևել էջին։ Լավագույն սթորիի կամ գրառման հեղինակը օրվա ավարտին արդեն ընտրվելու էր մարքեթինգի մասնագետի և բրենդի հիմնադրի համատեղ ընտրությամբ, ովքեր էլ պետք է հանձնեին գլխավոր մրցանակը՝ ամբողջ մարմնի մոտ 90.000 ՀՀ դրամ արժողությամբ լազերային էպիլացիայի նվեր-քարտ։
Բացի գլխավոր մրցանակից կար ևս 5 մրցանակ՝ 2–ը լազերային էպիլացիա ( ցանկացած հատվածի համար ), 1 մրցանակ թարթիչների լիցք, 1 մրցանակ պերմանենտ դիմահարդարում ցանկացած հատվածի՝ շուրթեր կամ հոնքեր և 1 մրցանակ դիմահարդարում և վարսահարդարում միասին։
Այ այսպիսի մեկը մյուսից գեղեցկացնող նվերներ։
Վերջում մնում է հավելենք, որ Սարյան 26/4 հասցեն առավել ռիթմիկ ու տրամադրող դարձավ ԴJ Leo-ի երաժշտության շնորհիվ։
Ստորև ձեզ ենք ներկայացնում փակ միջիցառման ամենագեղեցիկ կադրերը։
